Is go déanach san oíche nuair a bhíonn fonn codlata orm a ritheann smaoineamh éigin liom, rud a chuireann bac go minic ar mo chuid iarrachtaí dul a choladh. Sínim mo lámh amach agus beirim greim ar m’fhón póca le nóta a bhreacadh síos nó le nóta gutha a thaifeadadh, le cinntiú nach ndéanaim dearmad ar an smaoineamh úr seo. Bíonn sé de nós agam dianmhachnamh a dhéanamh ar gach uile abairt nuair a bhím ag scríobh; ar rogha agus ord na bhfocal, agus ar struchtúr, gluaiseacht agu